Milli Kitabxanada kitab sərgisi açılıb
Bakı, 4 mart, AZƏRTAC
Martın 4-də M.F.Axundov adına Azərbaycan Milli Kitabxanasında görkəmli ədəbiyyatşünas alim, tənqidçi, filologiya elmləri doktoru, professor, Əməkdar Elm Xadimi Kamran Əliyevin anadan olmasının 65 illiyi münasibətilə "Kamran Əliyev-65" adlı kitab sərgisi açılıb.
Kitabxanadan AZƏRTAC-a bildiriblər ki, sərgidə ədəbiyyatşünas alimin Azərbaycan və rus dillərində kitabları ilə yanaşı, tərtibçisi və redaktoru olduğu, ön söz yazdığı kitablar, həmçinin alim haqqında nəşrlər, dövri mətbuat materialları sərgilənir.
Sərgi həftə ərzində davam edəcək.
Bölmənin digər xəbərləri
