Milli komandamızın üzvləri “Avropa Liqası Muzeyi”ndə olublar
Bakı, 7 yanvar, AZƏRTAC
Futbol üzrə qadınlardan ibarət milli komandamızın üzvləri, eləcə də U-13 qızlar liqasının iştirakçıları “Avropa Liqası Muzeyi”ndə olublar.
AZƏRTAC xəbər verir ki, qadın futbolçularımız muzeydə Avropa Liqası tarixini özündə əks etdirən eksponatlarla tanış olub, eləcə də xatirə şəkilləri çəkdiriblər.
Muzey mayın 29-da UEFA Avropa Liqasının final oyununun Bakıda keçirilməsi ilə əlaqədar yaradılıb. Dekabrın 22-dən fəaliyyət göstərən muzey bu gün son dəfə saat 15:00-dan 22:00-dək ictimaiyyətə açıq olacaq.
“Avropa Liqası Muzeyi”nə giriş ödənişsizdir.
Bölmənin digər xəbərləri
