MİLLİ MƏCLİSDƏ GÖRÜŞ
Murtuz Ələsgərov demişdir ki, Azərbaycan-Pakistan münasibətləri inkişaf etsə də, parlamentlərarası əlaqələr hələ istənilən səviyyədə deyildir. Ona görə bu sahədə əlaqələri inkişaf etdirməliyik.
Parlamentin sədri ölkəmizdə gedən demokratik islahatlar, əldə olunmuş nailiyyətlər, Ermənistan-Azərbaycan, Dağlıq Qarabağ münaqişəsi ilə bağlı ətraflı məlumat vermişdir. O demişdir ki, Avropa Şurası və ATƏT-in Parlament Assambleyası bir sıra sənədlərində Ermənistanın təcavüzkar olduğunu təsdiq etmişdir. Ümid edirik ki, dünya ictimaiyyəti, böyük dövlətlər problemin ədalətli həllində öz sözlərini deyəcəklər. İnanırıq ki, Pakistan da bizim mövqeyimizi dəstəkləməkdə davam edəcəkdir.
Səmimi qəbul üçün minnətdarlıq edən Məhəmməd Hafiz demişdir ki, ölkələrimiz arasında siyasi sahədə əməkdaşlıq yüksək səviyyədədir. Lakin iqtisadi-ticarət əlaqələri geri qalır. Pakistan Dağlıq Qarabağ münaqişəsinin Azərbaycanın ərazi bütövlüyü çərçivəsində, sülh yolu ilə həllinə tərəfdardır. Rəsmi İslamabad Azərbaycanın mövqeyini dəstəkləyir və bu siyasət dəyişməyəcəkdir.
Parlamentlərarası əlaqələrin səviyyəsinin yetərincə olmadığı barədə fikirlə razılaşan diplomat demişdir ki, Pakistan Milli Məclisinin sədri Çoudri Əmir Hüseyn də bundan narahatdır və konkret addımların atılmasını istəyir. Bu məqsədlə də azərbaycanlı həmkarını İslamabada dəvət edir.
Sonra səfir ölkəsinin parlament sədrinin rəsmi dəvət məktubunu Murtuz Ələsgərova təqdim etmişdir.
Bölmənin digər xəbərləri
