MİLLİ MƏCLİSDƏ GÖRÜŞ
Kanadalı deputat səfərinin məqsədindən danışmış, Azərbaycan parlamentinin işi, ölkədə insan hüquq və azadlıqlarının qorunması istiqamətində görülmüş işlərlə maraqlandığını bildirmişdir.
Komissiyanın sədri Rəbiyyət Aslanova Milli Məclisin fəaliyyəti, qanunvericilik bazasının möhkəmləndirilməsində dünya parlamentlərinin təcrübəsinin öyrənilməsi, beynəlxalq konvensiyaların təsdiqi qaydaları barədə qonağa ətraflı məlumat vermişdir. Bildirmişdir ki, ölkəmizdə insan hüquq və azadlıqlarının qorunmasına xüsusi diqqət yetirilir. Azərbaycan Konstitusiyasının maddələrinin çoxu məhz insan hüquqları ilə bağlıdır. İnsanların hüquq və azadlıqlarının daha yüksək səviyyədə qorunması üçün Ombudsman təsisatı yaradılmışdır. Milli Məclis insan hüquqları ilə bağlı qanunlar qəbul etmiş, Azərbaycan bir sıra mühüm beynəlxalq konvensiyalara qoşulmuşdur.
Sonra görüşdə parlamentlərarası əlaqələrin inkişafı və qarşılıqlı maraq doğuran digər məsələlər ətrafında geniş fikir mübadiləsi aparılmışdır.
Bölmənin digər xəbərləri
