MİLLİ MƏCLİSDƏ İKİ QANUN QƏBUL EDİLMİŞDİR
İclasda vurğulandı ki, həmin sənəd komissiyada müzakirə edilərkən qanun layihəsi barədə bildirilən təklif və iradlar nəzərə alınmışdır. Bu barədə deputatlara regional məsələlər daimi komissiyasının sədri Zahid Qaralov məlumat verdi. O dedi ki, bələdiyyələrin fəaliyyətinin şəffaflığını təmin etmək məqsədi ilə sənədə bir sıra əlavələr edilmişdir. Qanun layihəsi səsə qoyularaq yekdilliklə qəbul olundu.
Sonra deputatlar “Fövqəladə vəziyyət haqqında” Qanunun layihəsi barədə məsələ müzakirə etdilər. Qanun layihəsini Milli Məclis sədrinin müavini, təhlükəsizlik və müdafiə məsələləri daimi komissiyasının sədri Ziyafət Əsgərov təqdim etdi. O bildirdi ki, bu sənəd komissiyada ətraflı müzakirə olunmuş və bildirilən təklif və iradlar nəzərə alınmışdır. Bununla belə qanun layihəsinin bir sıra müddəaları deputatlar tərəfindən birmənalı qarşılanmadı, ciddi mübahisələrə səbəb oldu.
Sual doğuran məsələlərə aydınlıq gətirildikdən sonra qanun layihəsi fəsillərlə səsə qoyularaq ikinci oxunuşda qəbul edildi. Bununla da Milli Məclisin növbəti iclası öz işini başa çatdırdı.
Bölmənin digər xəbərləri
