MİLLİ MƏCLİSDƏ QƏBUL
AZƏRTAC xəbər verir ki, qonağı səmimi salamlayan Milli Məclisin sədri demişdir ki, Liviya ilə Azərbaycan arasında diplomatik əlaqələrin qurulmasından 10 ildən çox vaxt keçməsinə baxmayaraq, parlamentlərarası və digər sahələr üzrə münasibətlərimiz istənilən səviyyəyə çatmamışdır. 2003-cü ildə ölkələrimiz arasında əlaqələri inkişaf etdirmək üçün yaradılmış müştərək komissiya da bu günə qədər öz işinə başlamamışdır. Azərbaycan tərəfi komissiyanın fəaliyyətə başlamasında maraqlıdır və bunun üçün səylərini artıracaqdır.
Ermənistan-Azərbaycan, Dağlıq Qarabağ münaqişəsi barədə ətraflı məlumat verən Murtuz Ələsgərov Liviya hökumətinə münaqişənin həlli ilə bağlı Azərbaycana göstərdiyi dəstəyə görə minnətdarlığını bildirmişdir.
Qəbul üçün parlamentin sədrinə təşəkkürünü bildirən Mustafa Məhəmməd Şaxtur demişdir ki, onun ölkəsi də Azərbaycanla ikitərəfli əlaqələrin inkişafında maraqlıdır. Görüşdən məqsəd müştərək komissiyanın işə başlaması və digər məsələlər ilə bağlı məsləhətləşmələr aparmaqdır. Diplomat bildirmişdir ki, Liviya Dağlıq Qarabağ münaqişəsinin həlli məsələsində daim Azərbaycanın mövqeyini dəstəkləmiş və bu siyasət dəyişməyəcəkdir.
Münasibətlərimizin inkişaf perspektivlərini müzakirə etmək məqsədi ilə müvəqqəti işlər vəkili Milli Məclis sədrini Liviyaya dəvət etmişdir.
Murtuz Ələsgərov buna görə minnətdarlıq etmiş və səfərin müddəti ilə bağlı diplomatik kanallarla əlavə məlumat veriləcəyini diqqətə çatdırmışdır.
Sonra görüşdə qarşılıqlı maraq doğuran digər məsələlər ətrafında fikir mübadiləsi aparılmışdır.
Bölmənin digər xəbərləri
