Milli Məclisin deputatları Özbəkistanda parlament seçkilərini müşahidə edəcəklər
Bakı, 18 dekabr, AZƏRTAC
Milli Məclisin Aqrar siyasət komitəsinin sədri, Azərbaycan-Özbəkistan parlamentlərarası əlaqələr üzrə işçi qrupunun rəhbəri Eldar İbrahimov və qrupun üzvü, deputat Cavanşir Paşazadə Özbəkistanda keçiriləcək parlament seçkilərini müşahidə etmək üçün dekabrın 19-da bu ölkənin paytaxtı Daşkənd şəhərinə səfər edəcəklər.
Milli Məclisin mətbuat xidmətindən AZƏRTAC-a bildiriblər ki, deputatlar seçki məntəqələrində yaradılmış şəraitlə yaxından tanış olacaq, prosesin gedişatı zamanı vətəndaşların fəallığını izləyəcəklər.
Səfər dekabrın 24-də başa çatacaq.
Bölmənin digər xəbərləri
