MİLLİ MƏCLİSİN NÜMAYƏNDƏ HEYƏTİ MOSKVAYA GEDƏCƏKDİR
Parlamentin mətbuat xidmətindən AZƏRTAC-a bildirmişlər ki, nümayəndə heyətinin tərkibinə deputatlar Asya Manafova, Eldar Qəhrəmanov, Fikrət Sadıqov və Mixail Zabelin daxildirlər.
İclasda Azərbaycan Respublikasının Prezidenti İlham Əliyevin 2004-cü il fevralın 5-6-da Rusiya Federasiyasına səfəri zamanı əldə edilmiş razılaşmaların həyata keçirilməsi istiqamətində parlamentlərin qarşılıqlı fəaliyyəti geniş müzakirə olunacaqdır. Müzakirədə Azərbaycan parlamenti sədrinin birinci müaviri Arif Rəhimzadə çıxış edəcəkdir. Bundan əlavə, iclasda 2010-cu ilə qədər Rusiya-Azərbaycan iqtisadi əməkdaşlıq proqramının reallaşdırılmasının qanunvericilik təminatı, ikitərəfli komissiyanın ikinci iclasında qəbul edilmiş qərarların yerinə yetirilməsi və təşkilati məsələlər müzakirə ediləcəkdir.
Səfər müddətində nümayəndə heyətimiz Rusiya Dövlət Dumasının və Federal Məclisinin rəhbərliyi və komitə sədrləri ilə bir sıra görüşlər keçirəcək, tərəfləri maraqlandıran məsələlər barədə fikir mübadiləsi aparacaqdır.
Səfər aprelin 21-də başa çatacaqdır.
Bölmənin digər xəbərləri
