MİLLİ MƏCLİSİN ŞÖBƏ MÜDİRİ MDBMİ–DƏ MÜHAZİRƏLƏR OXUMUŞDUR
MDBMİ-nin tarixində ilk dəfədir ki, beynəlxalq hüquq üzrə azərbaycanlı mütəxəssis mühazirə oxumaq üçün Rusiyanın bu ən nüfuzlu ali məktəbinə dəvət almışdır. Rusiyanın elmi dairələrində beynəlxalq cinayət hüququ problemləri üzrə mütəxəssis və terrorizmlə mübarizə üzrə bir sıra beynəlxalq təşkilatların, o cümlədən BMT-nin cinayətkarlıqla mübarizə şöbəsinin terrorizmin qarşısının alınması bölməsinin eksperti kimi tanınan Nizami Səfərovu MDBMİ–nin rektoru, Rusiya Elmlər Akademiyasının müxbir üzvü Anatoli Torkunov dəvət etmişdir.
N.Səfərov “Beynəlxalq terrorizmlə mübarizənin beynəlxalq hüquqi tənzimlənməsi”, “Beynəlxalq cinayət hüququnda ekstradisiya” və digər mövsularda mühazirələr oxumuşdur.
Bundan əlavə, həmyerlimiz MDBMİ-nin beynəlxalq hüquq fakültəsində və Avropa Hüququ İnstitutunda görüşlər keçirmişdir. Bu görüşlər zamanı elmi əlaqələrin daha da fəallaşdırılması perspektivləri müzakirə edilmişdir. Bu təcrübəni davam etdirmək qərara alınmışdır.
Xatırladaq ki, N. Səfərov MDBMİ-nin nəşr etdiyi “Moskva beynəlxalq hüquq jurnalı” redaksiya şurasının üzvüdür.
Bölmənin digər xəbərləri
