MİLLİ QƏHRƏMAN ƏLİYAR ƏLİYEVİN XATİRƏSİNƏ HƏSR OLUNMUŞ GÜLƏŞ ÜZRƏ RESPUBLİKA TURNİRİ KEÇİRİLƏCƏKDİR
Bakı, 6 oktyabr (AZƏRTAC). Oktyabrın 9-dan 11-dək “Abu Arena” idman kompleksində Milli Qəhrəman, SSRİ idman ustası, əməkdar məşqçi Əliyar Əliyevin xatirəsinə həsr olunmuş sərbəst və yunan-Roma güləşi üzrə gənclər arasında respublika turniri keçiriləcəkdir. Turnir Milli Qəhrəman Əliyar Əliyevin xatirəsini yad etmək, gəncləri vətənpərvər ruhda tərbiyə etmək və sərbəst və yunan-Roma güləşinin inkişafına və kütləviliyinə nail olmaq məqsədilə keçirilir.
FİLA-nın mövcud qaydalarına əsasən 50, 55, 60, 66, 74, 84, 96 və 120 kq-a qədər çəki dərəcələri üzrə keçiriləcək yarışlarda Azərbaycan Güləş Federasiyasının nümayəndəlikləri və ayrı-ayrı idman cəmiyyətlərindən 1990-1992-ci illər təvəllüdlü idmançılar iştirak edəcəklər.
Turnirin rəsmi açılış mərasimi isə oktyabrın 10-da keçiriləcəkdir.
Bölmənin digər xəbərləri
