CƏMİYYƏT
MİLLİ TƏHLÜKƏSİZLİK NAZİRLİYİ MƏTBUAT XİDMƏTİNİN MƏLUMATI
Beynəlxalq terrorizmə qarşı mübarizə istiqamətində Azərbaycanın və Misir Ərəb Respublikasının xüsusi xidmət orqanları arasında əməkdaşlıq və qarşılıqlı fəaliyyət nəticəsində daha iki təhlükəli cinayətkar ifşa edilmişdir.
Terrorçu təşkilatlarla əlaqədə şübhəli bilinən və törətdiyi cinayət əməllərinə görə məsuliyyətdən yayınaraq Azərbaycan ərazisində gizlənməyə cəhd edən daha iki Misir vətəndaşı dost ölkənin müvafiq qurumlarının rəsmi müraciəti əsasında bu günlərdə Milli Təhlükəsizlik Nazirliyi tərəfindən saxlanılmışdır.
2002-ci ilin fevralın 28-də həmin şəxslər respublika baş prokurorunun sanksiyası ilə “Binə” hava limanında dost ölkənin xüsusi xidmət orqanları nümayəndələrinə təslim edilmişdir.
Misir tərəfinin xahişinə əsasən, istintaq sirri mülahizələrinə görə onların şəxsiyyəti açıqlanmır.