Minlərlə israilli Təl-Əvivdə həmvətənlərinin azad olunmasını gözləyir
Bakı, 13 oktyabr, AZƏRTAC
İsrailin paytaxtı Təl-Əviv şəhərində minlərlə israilli “Girovlar meydanı” adlandırılan yerdə toplaşaraq HƏMAS hərəkatının əsirliyində olan soydaşlarının azad olunacağı xəbərlərini gözləyirlər.
AZƏRTAC xəbər verir ki, “The New York Times” qəzetinin məlumatına görə, yerli sakinlər son iki il ərzində Təl-Əvivin İncəsənət Muzeyinin qarşısında yerləşən bu ərazidə mütəmadi mitinqlər keçirirlər. Məhz bu səbəbdən həmin yer “Girovlar meydanı” adını alıb. Aksiya iştirakçıları İsrail bayraqları və girovların adlarının yazıldığı plakatları daşıyırlar.
Qeyd edək ki, bir müddət öncə HƏMAS hərəkatı atəşkəs razılaşması çərçivəsində azad olunacaq 20 nəfər sağ israilli əsirin siyahısını dərc edib. İsrail ordusu artıq yeddi girovun Beynəlxalq Qırmızı Xaç Komitəsinə təhvil verildiyini təsdiqləyib.
Bölmənin digər xəbərləri
