Minskdə MDB ölkələri Daimi Nümayəndələr Şurasının növbədənkənar iclası olub
Minsk, 24 fevral, AZƏRTAC
Fevralın 24-də Minskdə MDB-nin İcraiyyə Komitəsində Birliyin iştirakçısı olan dövlətlərin Təşkilatın nizamnamə və digər orqanları yanında Daimi Səlahiyyətli Nümayəndələri Şurasının növbədənkənar iclası keçirilib.
MDB qərargahının mətbuat xidmətindən AZƏRTAC-a bildirilib ki, daimi nümayəndələr Birliyin MDB-nin vahid büdcəsindən maliyyələşdirilən orqanlarının fəaliyyətini və 2016-cı ildə Birliyin ali orqanlarının iclaslarına təqdim ediləcək sənədlərin hazırlanması planını müzakirə ediblər.
Müzakirələrin yekunu üzrə müvafiq qərar qəbul edilib. Şuranın növbəti iclasının martın 15-də keçirilməsi qərara alınıb.
Zeynal Ağazadə
AZƏRTAC-ın xüsusi müxbiri
Minsk
Bölmənin digər xəbərləri
