Miqrasiya könüllüləri aztəminatlı ailələrə, ölkəmizdə qaçqın statusu alan əcnəbilərə sovqatlar paylayıblar
Bakı, 16 aprel, AZƏRTAC
Koronavirus (COVID-19) pandemiyası ilə əlaqədar xüsusi karantin rejiminin tətbiq olunduğu dövrdə dövlət tərəfindən həyata keçirilən tədbirlərə dəstək məqsədilə Dövlət Miqrasiya Xidmətinin (DMX) “Miqrasiya Könüllüsü” İctimai Birliyi xeyirxah tərəfdaşların dəstəyi ilə “Biz birlikdə güclüyük” aksiyasını davam etdirir.
DMX-dən AZƏRTAC-a bildirilib ki, aksiyanın daha bir məqsədi karantin rejimi dövründə aztəminatlı ailələrə, ölkəmizdə qaçqın statusu alan əcnəbi şəxslərə, yaşı 65-dən yuxarı olan insanlara yardım göstərmək istəyən şəxsləri bir araya gətirmək və bu işdə vətəndaş həmrəyliyini genişləndiməkdir.
Aksiya çərçivəsində miqrasiya könüllülərinin iştirakı ilə bu qəbildən olan ailələrə ərzaq məhsullarından ibarət sovqatlar paylanılıb, onların digər ehtiyaclarının təmin olunması həyata keçirilib.
Miqrasiya Könüllülərinin nəcib təşəbbüsünə qoşulmaq istəyənlər əlaqə saxlaya bilərlər: email: [email protected], telefon (WhatsApp) :+994558113197, facebook: https://www.facebook.com/Miqrasiya.Konullusu/, Instagram: migrationvolunteers.
Bölmənin digər xəbərləri
