Misir-Azərbaycan parlamentlərarası dostluq qrupunun sədri Bakı Beynəlxalq Humanitar Forumunda iştirak edəcək
Qahirə, 14 oktyabr, AZƏRTAC
Misir Parlamentinin din və vəqflər komitəsinin sədri, Misir-Azərbaycan parlamentlərarası dostluq qrupunun sədri Usama Al-Əbd Bakıda keçiriləcək 6-cı Beynəlxalq Humanitar Forumda iştirak edəcək.
Bunu Usama Al-Əbd AZƏRTAC-a bildirib.
Beynəlxalq forumda digər ərəb və müsəlman ölkələrindən nümayəndələrin də iştirakı gözlənilir.
Bakı Beynəlxalq Humanitar Forumu bəşəriyyətdə maraq doğuran qlobal məsələlərə dair geniş spektrli dialoqlar, fikir mübadilələri və müzakirələr aparmaq məqsədilə tanınmış dövlət xadimlərini, elmin müxtəlif sahələri üzrə Nobel mükafatı laureatlarını və nüfuzlu beynəlxalq təşkilatların rəhbərlərini, o cümlədən dünyanın siyasi, elmi və mədəni elitasının görkəmli nümayəndələrini bir araya toplayan tədbirdir.
Asya Hacızadə
AZƏRTAC-ın xüsusi müxbiri
Qahirə
Bölmənin digər xəbərləri
