Misir ilk dəfə futbol üzrə dünya çempionatının pley-off mərhələsinə vəsiqə qazanıb
Bakı, 27 iyun, AZƏRTAC
Futbol üzrə dünya çempionatının G qrupunun III turunda Misir və İran üz-üzə gəlib.
AZƏRTAC xəbər verir ki, Sietldə keçirilən qarşılaşma 1:1 hesablı heç-heçə ilə başa çatıb.
Oyunda hesabı 5-ci dəqiqədə Misir futbolçusu Mahmud Saber açıb. İran isə cəmi doqquz dəqiqə sonra Ramin Rezaeyanın qolu ilə tarazlığı bərpa edib.
Bu nəticə Misir üçün tarixi əhəmiyyət daşıyıb. Afrika təmsilçisi xallarını 5-ə yüksəldərək dünya çempionatları tarixində ilk dəfə pley-off mərhələsinə vəsiqə qazanıb. Misirin növbəti mərhələdəki rəqibi Avstraliya millisi olacaq.
Bölmənin digər xəbərləri
