“MİSİR TƏƏSSÜRATLARI” ADLI SƏRGİ AÇILMIŞDIR
Rəssamlar İttifaqının təşkilatçılığı ilə keçirilən sərgidə qrafika janrında 30-dan artıq əsər nümayiş etdirilir.
Rəssamlar İttifaqının sədri, xalq rəssamı Fərhad Xəlilov sərginin açılış mərasimində demişdir ki, peşəkar qrafik olan C.Müfidzadə ofort, ksiloqrafiya, linoqrafiya, qarışıq texnika sahəsində işləyir. 80-dən artıq ümumittifaq və beynəlxalq sərginin iştirakçısıdır. Polşada, Bakıda, Moskvada, Təbrizdə, İstanbulda fərdi sərgiləri keçirilmişdir. Əsərləri Bakı, Moskva, Təbriz, Ulan-Bator muzeylərində və bir çox xarici ölkələrdəki şəxsi kolleksiyalarda saxlanılır. Beynəlxalq mükafatların sahibidir.
Rənglərin dili ilə ölkəsinin həyatından söz açılan əsərlərin özünəməxsus sənətkarlıq xüsusiyyətlərindən bəhs edən Misirin Azərbaycandakı səfirinin mədəniyyət işləri üzrə müşaviri Səid Əhməd ölkələrimiz arasında mədəni əlaqələrin genişləndirilməsində belə tədbirlərin əhəmiyyətini nəzərə çarpdırmışdır.
Sərgidə nümayiş etdirilən əsərlərin yaradılması prosesindən danışan müəllif tədbirin təşkilatçılarına və iştirakçılarına minnətdarlığını bildirmişdir.
Bölmənin digər xəbərləri
