MİSİRDƏ MÜHÜM ARXEOLOJİ TAPINTI
Müasir Əz-Zəkəzik şəhəri yaxınlığındakı tarixi Tell-Bəstə (qədim Bubastis) rayonunda tapılmış bu daş sütun ellin hökmdarı III Ptolemey Evergetin (e.ə. III əsr) hökmranlığı dövrünə aiddir. Daş lövhədə qədim yunan dilində hökmdarın gördüyü işləri vəsf edən mədhnamə həkk olunmuşdur. Mətndən məlum olur ki, III Ptolemeyin dövründə təqvimin dəyişdirilməsinə cəhd edilmişdir.
E.ə.238-ci ildə firon “Kanopus dekreti” verərək, hər dörd ildən bir ilin günlərinin sayının bir gün artırılıb, 366 gündən ibarət olmasını əmr etmişdir. Lakin o zamanlar bu inqilabi ideya gerçəkləşə bilməmişdi. Yalnız Yuli Sezar bu fikrə bir daha qayıdaraq, hər dördüncü ilə bir gün artırılmasını əmr etmiş, beləliklə, Yuli təqvimi adlandırdığımız təqvim meydana gəlmişdir.
Bölmənin digər xəbərləri
