Misli Premyer Liqası: Bu gün təxirə salınmış oyun keçiriləcək
Bakı, 24 fevral, AZƏRTAC
Bu gün futbol üzrə Misli Premyer Liqasında XXIV tura yekun vurulacaq.
AZƏRTAC xəbər verir ki, tur ötən gün güclü qar səbəbindən təxirə salınmış “Zirə” – “Kəpəz” oyunu ilə başa çatacaq. Zirə İdman Kompleksinin stadionunda təşkil olunacaq görüş saat 16:00-da başlayacaq. Qarşılaşmanın baş hakimi Rauf Cabarov olacaq.
Bakı klubu hazırda turnir cədvəlində 42 xalla üçüncü, Gəncə təmsilçisi isə 19 xalla doqquzuncu pillədə qərarlaşıb.
Qeyd edək ki, turun daha əvvəl keçirilmiş matçlarında “Araz-Naxçıvan” “Səbail”lə 0:0, “Qarabağ” “Sabah”la 1:1 hesablı heç-heçə edib. ”Turan Tovuz” “Şamaxı”ya, “Neftçi” isə “Sumqayıt”a 1:0 hesabı ilə qalib gəlib.
Bölmənin digər xəbərləri
