Misli Premyer Liqası: “Səbail” - “Sabah” oyununda qapılara qol vurulmayıb
Bakı, 17 fevral, AZƏRTAC
Futbol üzrə Misli Premyer Liqasında XXIII tura yekun vurulub.
AZƏRTAC xəbər verir ki, bağlanış matçında “Səbail” “ASCO Arena”da “Sabah”ı qəbul edib. Qarşılaşma qolsuz heç-heçə ilə başa çatıb.
Hazırda “dənizçilər” 16 xalla sonuncu, “bayquşlar” isə 31 xalla 5-ci sırada qərarlaşıb.
“Kəpəz” və “Şamaxı” komandaları arasında keçirilmiş günün ilk oyununda da qalib müəyyənləşməyib - 1:1.
Qeyd edək ki, turun əvvəlki görüşlərində "Zirə" səfərdə "Sumqayıt"a 3 cavabsız qolla qalib gəlib, “Turan Tovuz” “Araz-Naxçıvan”ı, “Qarabağ” isə “Neftçi”ni 1:0 hesabı ilə üstələyib.
Bölmənin digər xəbərləri
