“Miss Austria-2014” gözəllik yarışmasının qalibi məlumdur VİDEO
Vyana, 4 iyul (AZƏRTAC). İyulun 3-də Avstriyanın Baden şəhərində “Miss Austria-2014“ müsabiqəsi keçirilmişdir.
Avstriyanın bütün əyalətlərini təmsil edən müsabiqəçilərin iştirak etdikləri tədbirdə bu ölkənin və digər Mərkəzi Avropa dövlətlərinin şou-biznes nümayəndələri, 2009-cu və 2013-cü il dünya gözəllik müsabiqələrinin qalibləri, çoxlu sayda incəsənət xadimləri və mətbuat təmsilçiləri iştirak etmişlər.
ARDNŞ-in Avstriyadakı nümayəndəliyinin rəhbərliyi, diplomatlarımız və bu ölkədə yaşayan soydaşlarımız da tədbir iştirakçıları arasında olmuşlar.
On yeddi müsabiqəçi arasında fərqlənən 19 yaşlı Yulia Furdea builki “Miss Austria” gözəllik yarışmasının qalibi olmuşdur.
Elgün Niftəliyev
AZƏRTAC-ın xüsusi müxbiri
Vyana
Bölmənin digər xəbərləri
