MODUL TİPLİ ELEKTRİK STANSİYALARINA ÜSTÜNLÜK VERİLİR

27.05.2006 [11:43]
Çap et
A⁺ A^-

“Azərenerji” Açıq Səhmdar Cəmiyyətinin mətbuat xidmətindən AZƏRTAC-a bildirmişlər ki, Azərbaycan energetiklərindən ibarət nümayəndə heyəti qaz-mazut və mazut rejimində işləyən modul elektrik stansiyalarının istismarı prinsipləri ilə tanışlıq üçün Türkiyədə və Şimali Kiprdə səfərdə olmuşdur.

Elektrik stansiyaları tikmək sahəsində qazanılan təcrübə göstərmişdir ki, müasir dövrdə məhz modul tipli enerji istehsalı müəssisələrinin inşasına üstünlük verilməlidir. Qazdan asılılıqdan yaxa qurtarmağın və alternativ variantlar axtarışının da vaxtı gəlib çatmışdır. Respublikamız üçün mazutla işləyən modul elektrik stansiyaları daha məqsədəuyğundur.

Finlandiyanın “Vartsila” şirkətinin Şimali Kiprdə inşa etdiyi mazutla işləyən modul stansiya, bu yaxınlarda Astarada istifadəyə verilmiş qazdan istifadə edən oxşarı kimi, operativ fəaliyyət göstərir. Onun şəbəkəyə qoşulmasına minimum vaxt tələb olunur.

Azərbaycan energetikləri bu növ enerji obyektlərinin iş prinsiplərini öyrənir, onun müsbət və mənfi cəhətlərini nəzərdən keçirirlər.