Moldova hökuməti ölkəyə gələnlər üçün məcburi özünütəcrid rejimini ləğv etməyi planlaşdırır
Kişineu, 20 iyul, AZƏRTAC
Moldovanın İctimai Səhiyyə üzrə Milli Fövqəladə Komissiyası iclas keçirəcək. Həmin iclasda ictimai səhiyyə sahəsində fövqəladə vəziyyət başa çatandan - avqustun 1-dən sonra görüləcək tədbirlər, habelə ölkə sərhədini keçən vətəndaşlar üçün məcburi olmayan 14 günlük özünütəcrid rejiminin tətbiq edilməsinin mümkünlüyü barədə qərarlar qəbul ediləcək.
AZƏRTAC Moldova KİV-lərinə istinadla xəbər verir ki, Moldovanın Baş Naziri İon Kiku bunu ölkənin ali rəhbərliyinin iclasından sonra bəyan edib.
Baş Nazir qeyd edib ki, iyulun 24-də hökumət özünütəcridin ləğv edilməsi məsələsinin texniki tərəflərini müzakirə edəcək və ola bilsin, alternativ qərarlar qəbul ediləcək.
Qeyd edək ki, Moldovada fövqəladə vəziyyət rejimi iyulun 31-də başa çatır. Hazırda ölkəyə gələnlər üçün 14 günlük özünütəcrid rejimi məcburidir.
Rüstəm Məmmədov
Kiyev
Bölmənin digər xəbərləri
