“MOLLA NƏSRƏDDİN” JURNALININ 98-Cİ İLDÖNÜMÜ QEYD OLUNMUŞDUR
Azərbaycan ədəbi ictimaiyyətinin, təhsil işçilərinin və məktəblilərin iştirakı ilə keçirilən tədbirdə ədəbiyyat və mətbuatımızın tarixində böyük dramaturq Cəlil Məmmədquluzadənin əvəzsiz xidmətlərindən danışılmışdır. Qeyd olunmuşdur ki, Mirzə Cəlil “Molla Nəsrəddin” jurnalını nəşr etməklə təkcə Azərbaycanda deyil, Yaxın Şərqdə satirik jurnalistikanın əsasını qoymuşdur. Jurnal nəşrə başladıqdan sonra M.Ə.Sabir, N.Nərimanov, Ə.Haqverdiyev, Ö.F.Nemanzadə, Ə.Nəzmi kimi dövrünün qabaqcıl ziyalıları ilə C.Məmmədquluzadə arasında möhkəm ideya-yaradıcılıq əlaqələri yaranmışdır ki, bu da jurnalın geniş şöhrət tapmasında mühüm rol oynamışdır.
Tədbirdə çıxış edənlər jurnalın fəaliyyətindən, nəşri ilə bağlı ona olan müdaxilələrdən, qadağalardan ətraflı söz açmışlar. Lakin bunlara baxmayaraq, jurnalın geniş oxucu auditoriyası qazandığı, Azərbaycandan başqa bir sıra ölkələrdə də abunəçilərinin olduğu vurğulanmışdır.
Tədbirdə məktəblilər C.Məmmədquluzadənin dram yaradıcılığından səhnəciklər göstərmiş, jurnalda dərc olunmuş şer və felyetonlardan parçalar söyləmişlər.
Bölmənin digər xəbərləri
