DÜNYA
Monteneqroda parlament seçkilərində “Avropa İndi!” hərəkati liderdir
Bakı, 12 iyun, AZƏRTAC
Monteneqroda parlament seçkilərində sabiq maliyyə və sosial təminat naziri Miloyko Spaiçin rəhbərlik etdiyi “Avropa İndi!” hərəkatı liderlik edir.
AZƏRTAC TASS informasiya agentliyinə istinadla xəbər verir ki, bu, Monitorinq Mərkəzinin (CеMI) bazar günü səslərin 90,5 faizini emal etdikdən sonra “exit-poll”un nəticələridir.
Qeyd olunur ki, birinci yerdə “Avropa İndi!” (25,5 faiz) hərəkatıdır. Bu hərəkat 2022-ci ilin iyununda Yakov Milatovic (2023-cü ilin may ayından Monteneqronun Prezidentidir) və Spaiç tərəfindən təsis edilib. İkinci yerdə sol mərkəzçi Monteneqro Sosialistlərinin Demokrat Partiyası və onun lideri Daniel Jivkoviçin rəhbərlik etdiyi “Birlikdə! Bizə məxsus gələcək uğrunda” koalisiyası (23,8 faiz) qərarlaşıb. Üçüncü yerdə “Yeni Serb Demokratiyası”, Demokratik Xalq Partiyası və Fəhlə Partiyasından ibarət "Monteneqronun gələcəyi uğrunda"(14,7) koalisiyasıdır.
Dördüncü yerdə parlamentin sabiq sədri Aleksa Beçiç və hazırkı baş nazir Dritan Abazoviçin koalisiyası (12,3 faiz), beşinci yerdə Monteneqronun Boşnyak Partiyası (6,9 faiz) qərarlaşıb.