Moskva Ermənistan-Azərbaycan sərhədində KTMT müşahidə missiyasının yerləşdiriləcəyinə ümid bəsləyir
Moskva, 29 mart, AZƏRTAC
Rəsmi Moskva Ermənistan-Azərbaycan sərhədində Kollektiv Təhlükəsizlik Müqaviləsi Təşkilatı (KTMT) müşahidə missiyasının yerləşdiriləcəyinə ümid bəsləyir.
AZƏRTAC xəbər verir ki, bunu “RTVİ” saytına müsahibəsində Rusiya xarici işlər nazirinin müavini Mixail Qaluzin deyib.
O, Rusiyanın Ermənistanla KTMT çərçivəsində qarşılıqlı fəaliyyət məsələlərinin konstruktiv şəkildə həll olunacağına ümid etdiyini bildirib. M.Qaluzin qeyd edib ki, KTMT çərçivəsində əməkdaşlıq məsələləri Ermənistan xarici işlər nazirinin martın 20-də Moskvaya səfəri zamanı Rusiya XİN başçısı Sergey Lavrov ilə də müzakirə olunub.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
