MOSKVADA MİQRANTLARIN ÇOXU QANUNSUZ İŞLƏYİR
AZƏRTAC-ın xüsusi müxbiri xəbər verir ki, Moskva Şəhər Daxili İşlər İdarəsinin miqrasiya işləri şöbəsinin rəisi Vladimir Troitskinin mətbuat konfransında bildirdiyinə görə paytaxtdakı miqrantların çoxu burada müvafiq sənədlər olmadan, yəni icazəsiz işləyir. MDB-dən kənardan gəlmiş miqrantlar arasında çinlilər üstünlük təşkil edirlər. Paytaxtda 22 minə yaxın çinli miqrant qeydiyyata alınmışdır. İkinci yerdə vyetnamlılar (təxminən 16 min nəfər), üçüncü yerdə isə türklərdir (təxminən 12 min nəfər). MDB ölkələrindən Moskvada 7 min ukraynalı, 4 min moldovalı, 2,5 min tacik, 2 min erməni işləyir.
V.Troitski demişdir ki, müxtəlif hesablamalara görə, Moskvada 500 mindən 800 minədək miqrant yaşayır. Onun sözlərinə görə, 2004-cü ildə 96 min 671 əcnəbi əmək fəaliyyəti ilə məşğul olmaq üçün icazə almışdır.
Bölmənin digər xəbərləri
