Müasir türk dillərində işlənən terminlərin müqayisəli lüğətləri hazırlanacaq
Bakı, 3 mart, AZƏRTAC
Beynəlxalq Türk Akademiyasında bu il ortaq terminologiyanın yaradılması istiqamətində müasir türk dillərində işlənən terminlərin müqayisəli lüğətləri hazırlanıb nəşr olunacaq.
Bu barədə AZƏRTAC-a Beynəlxalq Türk Akademiyasının prezidenti Şahin Mustafayev məlumat verib. Ş.Mustafayev qeyd edib ki, bu nəşr türk dünyasında istifadə olunan terminlərin bir araya gətirilərək ortaq istilahları müəyyən etməyə və müxtəlif sahələrdə terminlər birliyinin formalaşmasına töhfə verə bilər. Termin birliyinin təmin edilməsi ilə qarşılıqlı əlaqə və anlaşma səviyyəsi daha da artacaq. Digər tərəfdən ortaq türk terminologiyasının formalaşması həm də türk elmi dilinin inkişafına təkan verəcəkdir. Çünki elmi dilin bünövrəsini də nəticədə terminlər təşkil edir.
Bölmənin digər xəbərləri
