MÜHÜM MƏSƏLƏLƏR MÜZAKİRƏ OLUNMUŞDUR
Yığıncaqda MDB EŞ-in üzvü olan ölkələri maraqlandıran bir neçə mühüm məsələ müzakirə edilmiş, fikir mübadiləsi aparılmış və qərarlar qəbul olunmuşdur.
Məsələlərdən biri MDB EŞ yanında müşahidəçilərin statusu haqqında Əsasnamənin qəbulu olmuşdur. Şura üzvü olan ölkələrin elektrik şəbəkələri ilə tranzitin ümumi prinsipləri haqqında layihə, enerjisistemlərin sinxronlaşdırılması üzrə texniki-iqtisadi əsasnamə haqqında sənədlər də müzakirə edilmişdir.
İclasda, həmçinin sistem operatorlarının qarşılıqlı münasibətləri haqqında qərar layihəsi - “Lissabondan Vladivostokadək elektrik enerjisi bazarı” mövzusuna həsr olunmuş beynəlxalq seminarın nəticələri müzakirə edilmişdir.
Tədbirdə elektroenergetika sahəsində terminlər lüğətinin, normativ texniki sənədlər toplusunun qəbulu və s. məsələlərə də baxılmışdır. Qeyd edək ki, bu məsələlərlə bağlı, Azərbaycan nümayəndə heyətinin başçısı, “Azərenerji” ASC Mərkəzi Dispetçer İdarəsinin rəisi, texnika elmləri doktoru Nurəli Yusifbəyli çıxış etmişdir.
Bölmənin digər xəbərləri
