MÜLKİ MƏCƏLLƏNİN TƏKMİLLƏŞDİRİLMƏSİ İLƏ BAĞLI MONİTORİNQ KEÇİRİLİR
AZƏRTAC xəbər verir ki, Azərbaycanda hüquq qanunvericiliyi sahəsində həyata keçirilən islahatlar çərçivəsində Mülki Məcəlləyə dəyişikliklər və əlavələr ediləcəkdir. Hazırda Azərbaycan Respublikası Milli Məclisi Aparatının və Almaniya Texniki Əməkdaşlıq Cəmiyyətinin mütəxəssisləri Mülki Məcəllənin fiziki və hüquqi şəxslərə aid hissəsindəki bəzi çatışmazlıqları öyrənirlər.
Milli Məclisdən bildirmişlər ki, indiyədək Almaniya Texniki Əməkdaşlıq Cəmiyyətinin dəstəyi ilə Mülki Məcəlləyə xeyli dəyişikliklər edilmişdir.
Əlavələr və dəyişikliklərlə bağlı yeni qanun layihəsi Milli Məclisin payız sessiyasında müzakirəyə çıxarılacaqdır.
