MÜŞTƏRİLƏR POÇTAMTIN XİDMƏTİNDƏN RAZIDIRLAR
Rayon poçtamtının müdiri Akif Məmmədov AZƏRTAC-ın müxbirinə bildirmişdir ki, poçt əməliyyatlarının və xidmət növlərinin sayını artırmaq, müştərilərə yüksək servis xidməti göstərmək üçün işlər günün tələblərinə uyğun qurulur. Hazırda poçtamtda əhaliyə 24 xidmət növü təklif edilir. Pensiya və müavinətlərin əhaliyə vaxtında çatdırılmasına xüsusi diqqət göstərilir.
Cari ilin ötən dövrü ərzində müəssisə tərəfindən kənd poçt şöbələrinin maddi-texniki bazasının möhkəmləndirilməsi sahəsində də müvafiq tədbirlər həyata keçirilmişdir. Rayonun Kortala və Hənifə kənd poçt şöbələrində aparılan əsaslı təmir işləri başa çatdırılmışdır. İlin sonunadək Qaysa kəndində də yeni poçt şöbəsinin açılması nəzərdə tutulmuşdur.
