Myanmada nefrit mədəni çöküb, 30-a yaxın insan itkin düşüb
Bakı, 12 mart, AZƏRTAC
Myanmanın şimalındakı Kaçin əyalətində nefrit mədənin çökməsi nəticəsində bir nəfər ölüb, dörd nəfər yaralanıb,
AZƏRTAC Sinxua agentliyinə istinadla xəbər verir ki, qəza nəticəsində, həmçinin 30-a yaxın insanın itkin düşdüyü bildirilir.
Xilasedicilər hadisə yerində təhlükəli şəraiti nəzərə alaraq xilasetmə işlərini müvəqqəti olaraq dayandırıblar. Yerli polisin bildirdiyinə görə, mədən qəzası çərşənbə axşamı yerli vaxtla səhər saat 05:00 radələrində baş verib.
Hadisə ilə bağlı araşdırmalara başlanılıb.
Bölmənin digər xəbərləri
