CƏMİYYƏT
Naftalanda nişan mərasiminin keçirilməsinin qarşısı alınıb
Bakı, 13 aprel, AZƏRTAC
Naftalanda nişan mərasiminin keçirilməsinin qarşısı alınıb.
Daxili İşlər Nazirliyinin mətbuat xidmətinin Gəncə regional qrupundan AZƏRTAC-a bildiriblər ki, Naftalan şəhər Polis Şöbəsinə (ŞPŞ) şəhər ərazisində nişan mərasiminin keçirilməsi barədə məlumat daxil olub. Polis əməkdaşları mərasimin keçirilməsinin qarşısını alıb, iştirakçılar barədə qanunvericiliyə uyğun tədbir görülüb.
Sanitar-epidemioloji normaları pozan şəxslərlə profilaktik söhbətlər aparılaraq xüsusi karantin rejim qaydaları izah olunub, saxlanılan şəxslər barəsində İnzibati Xətalar Məcəlləsinin 211-ci maddəsi (Epidemiya əleyhinə rejimin, sanitariya-gigiyena və karantin rejimlərinin pozulması) ilə protokol tərtib edilib.