“Nar Mobile” www narsim az xidmətini istifadəyə verib
“Nar Mobile” mobil operatoru yeni www.narsim.az internet saytını istifadəyə verib.
Şirkətdən AZƏRTAC-a bildirilib ki, bu sayta daxil olanlar istədikləri hər hansı bir “Nar” nömrəsini satışda olan nömrələr arasında axtara biləcəklər. İstifadəçinin axtardığı nömrə sistemdə varsa, onlayn sorğunu cavanlandırmaqla onu sifariş etmək mümkün olacaq.
Axtarış sistemi çox sadədir. İnternet səhifəyə daxil olanlar prefiksi seçdikdən sonra istədikləri nömrəyə uyğun olaraq, ən azı üç xananı doldurmaqla axtarış edə bilirlər. Axtarışın nəticəsi qiymətə və nömrələrin ardıcıllığına görə təqdim olunur. Bu xidmətdən Azərbaycanda adı, soyadı və əlaqə nömrəsini sistemə daxil etmiş hər bir sifarişçi yararlana bilər.
Gələcəkdə www.narsim.az səhifəsinə əlavə funksiyalar daxil etməklə onun daha da təkmilləşdirilməsi nəzərdə tutulur.
Bölmənin digər xəbərləri
