NARKOMANLIĞA VƏ NARKOTİK VASİTƏLƏRİN QANUNSUZ DÖVRİYYƏSİNƏ QARŞI MÜBARİZƏ DAVAM EDİR
Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasından AZƏRTAC-a daxil olmuş məlumatda bildirilir ki, 2002-ci ilin yanvar ayı ərzində respublikanın ərazisində narkotiklərlə bağlı 142 cinayət faktı qeydə alınmışdır. Bu, ötən ilin müvafiq dövrü ilə müqayisədə 24,6 faiz çoxdur.
Həmin müddətdə ayrı-ayrı şəxslərdən 8 kiloqram 316,9 qram /ötən ilin müvafiq dövrünə nisbətən 7,5 kiloqram çox/ narkotik vasitələr, psixotrop maddələr və prekursorlar, o cümlədən 305 qram heroin, 620 qram tiryək, 25 qram həşiş, 7 kiloqram 365 qram marixuana, 1,9 qram sirkə anhidridi götürülmüşdür.
Hüquq mühafizə orqanları əsas diqqəti narkotik vasitələrin, psixotrop maddələrin və prekursorların qanunsuz dövriyyəsi, daxilolma mənbələri və kanallarının aşkar edilməsinə yönəltmişlər və bu da öz müsbət nəticələrini verir.
Bölmənin digər xəbərləri
