NARKOTİK VASİTƏLƏRİN ALVERİ İLƏ MƏŞĞUL OLANLAR TUTULMUŞLAR
Daxili İşlər Nazirliyinin mətbuat xidmətindən AZƏRTAC-a bildirmişlər ki, həyata keçirilmiş əməliyyat tədbirləri nəticəsində Abşeron rayon sakini Anar Xəlilovdan 0,244 qram, Gəncə şəhər sakini Sahib Qurbanovdan 0,384 qram heroin götürülmüşdür.
Bakı Baş Polis İdarəsi Narkotiklərlə Mübarizə İdarəsinin əməkdaşları Bakı şəhər sakini Rüstəm Vəliyevi 0,494 qram heroini satarkən tutmuş və ondan daha 0,245 qram heroin müsadirə etmişlər. Əməliyyat tədbirləri nəticəsində ona narkotik vasitəni satmış Salyan rayon sakini Rza Məlikov saxlanılmış və ondan 170,227 qram heroin aşkar edilərək götürülmüşdür.
Ağcabədi rayon sakini Yaşasın Abuzərov həmyerlisi Azər Rəhimovdan aldığı 0,192 qram heroini könüllü olaraq polisə təhvil vermişdir. A.Rəhimov isə polis əməkdaşları tərəfindən tutulmuşdur.
Faktlarla bağlı araşdırmalar aparılır.
Bölmənin digər xəbərləri
