NATO Bosniya və Herseqovinanın suverenliyinə dəstək nümayiş etdirəcək
Sarayevo, 27 yanvar, AZƏRTAC
Bosniya və Herseqovinanın suverenliyi və ərazi bütövlüyünə dəstək nümayiş etdirmək üçün gələn həftə NATO-nun 31 səfiri Sarayevoya səfər edəcək.
AZƏRTAC xəbər verir ki, bunu NATO-nun Baş katibi Yens Stoltenberq deyib.
Baş katib Qərbi Balkan regionunun NATO üçün strateji əhəmiyyətini vurğulayıb, eləcə də Bosniya və Herseqovinada təhlükəsizliyin vacibliyini bildirib.
“NATO-nun 31 səfirinin hamısı gələn həftə Sarayevoya səfər edəcək. Bu, Bosniya və Herseqovinanın suverenliyi və ərazi bütövlüyünə güclü dəstəyin nümayişidir. Bütün siyasi liderlər ölkənin birliyini qoruyub saxlamaq üçün çalışmalıdır. Bu, ölkənin və regionun sabitliyi üçün mühüm əhəmiyyət kəsb edir”, - deyə Yens Stoltenberq vurğulayıb.
Nihad Budaqov
AZƏRTAC-ın xüsusi müxbiri
Sarayevo
Bölmənin digər xəbərləri
