NATO-nun mənzil-qərargahında İsveç bayrağı qaldırılıb
Stokholm, 12 mart, Nərgiz Cəfərli, AZƏRTAC
NATO-nun Brüsseldəki mənzil-qərargahının yanında indi İspaniya və Türkiyə bayraqları arasında İsveç bayrağı da dalğalanır.
AZƏRTAC xəbər verir ki, digər qonaqlarla yanaşı, vəliəhd şahzadə Viktoriya, İsveç nazirləri, müxalifət liderləri və NATO-nun 32 ölkəsinin səfirlərinin iştirak etdiyi bayraq qaldırma mərasimində İsveçin dövlət himni və Şimali Atlantika Alyansının (NATO) himni səsləndirilib.
Alyansın Baş katibi vəzifəsini icra etdiyi dövrdə Monteneqro, Şimali Makedoniya və Finlandiyanın alyansa qoşulmasına şahidlik edən NATO-nun aş katibi Yens Stoltenberq üçün İsveçin NATO-ya üzv qəbul edilməsi xüsusi hadisəyə çevrilib.
“Bu, NATO və ən azı Şimal ölkələrinin əməkdaşlığı üçün mühüm gündür. İsveçin üzvlüyü sayəsində Şimal regionu güclənir. Kalmar Birliyindən bəri ilk dəfə (1397-1523-cü illərdə Danimarka krallarının ali hakimiyyəti altında Danimarka, Norveç və İsveç krallıqlarının şəxsi birliyi – red.) Şimali Avropa ölkələri ümumi müdafiə gücünə sahibdirlər.
Bölmənin digər xəbərləri
