NAXÇIVAN MUXTAR RESPUBLİKASINDA MƏTBUATIN PROBLEMLƏRİ MÜZAKİRƏ OLUNMUŞDUR
Görüşlərdə ölkə üzrə mətbuatın üzləşdiyi çətinliklərin Muxtar Respublikada da yaşandığı qeyd edilmiş, əhalinin sosial durumu yaxşılaşdıqca, iqtisadiyyat inkişaf etdikcə mətbuatın problemlərinin də çözüləcəyi diqqətə çatdırılmışdır.
Belə görüşlərin əhəmiyyətini vurğulayan yerli mətbuat işçiləri qazanılmış uğurlardan və qarşılaşdıqları problemlərdən danışmış, onların həlli yolları barədə geniş fikir mübadiləsi aparmışlar.
Naxçıvan Dövlət Universitetində keçirilən görüşdə peşəkar jurnalist kadrları hazırlanması məsələləri müzakirə olunmuşdur.
Naxçıvan Ali Məclisinin sədri Vasif Talıbov ilə görüşdə, blokada şəraitində yaşayan Muxtar Respublikada həyata keçirilən geniş quruculuq işləri barədə ətraflı söhbət açılmış, KİV-lərə dövlət qayğısından danışılmış, bu sahədə səylərin davam etdiriləcəyi vurğulanmışdır.
Görüşdə “Molla Nəsrəddin” jurnalının 100 illik yubiley tədbirlərinə dahi mütəfəkkir C.Məmmədquluzadənin doğma yurdu olan Naxçıvandan başlanılmasının məqsədəuyğun olduğu söylənilmiş, Naxçıvanda da Mətbuat Şurasının yaradılması təklifi ilə bağlı fikir mübadiləsi aparılmışdır.
Bölmənin digər xəbərləri
