Naxçıvan-Şahbuz-Batabat avtomobil yolunun kənarına müxtəlif tinglər və gül kolları əkilib
Naxçıvan, 20 noyabr, AZƏRTAC
Muxtar respublikanın Babək rayon sakinləri tərəfindən Naxçıvan-Şahbuz-Batabat avtomobil yolunun kənarında yaşıllıqlara qulluq göstərilib, ağac və gül kolları əkilib.
AZƏRTAC-ın Naxçıvan bürosu xəbər verir ki, bərpa məqsədilə əraziyə 2 min 500 qızılgül kolu, 150-yə yaxın çinar tingi əkilib və əkilən yeni tinglər suvarılıb.
Qeyd edək ki, muxtar respublikada yaşıllıqların salınması, onların qorunub saxlanılması diqqətdə saxlanılır. Xüsusən də avtomobil yollarının kənarları yaşıllaşdırılır, relyefə uyğun müxtəlif tinglər və gül kolları əkilir. Son illər muxtar respublikada geniş vüsət alan yaşıllaşdırma tədbirləri, ağacəkmə kampaniyaları diyarımızın görkəminə, ekologiyanın saflığına, meyvəçiliyin inkişafına öz töhfəsini verir.
Bölmənin digər xəbərləri
