Naxçıvanda “DƏSTƏK” Fondunun bu ilin 11 ayı üzrə xərcləri açıqlanıb
Naxçıvan, 11 dekabr, AZƏRTAC
Naxçıvan Muxtar Respublikasında Azərbaycan Respublikasının ərazi bütövlüyünün müdafiəsi ilə əlaqədar yaralananların, şəhid ailələrinin və müharibə veteranlarının təminatına dəstək məqsədilə yaradılmış “DƏSTƏK” Fondu tərəfindən cari ilin yanvar-noyabr ayları ərzində 989 min 653 manat vəsait xərclənib.
Naxçıvan Muxtar Respublikası Əmək və Əhalinin Sosial Müdafiəsi Nazirliyinin mətbuat xidmətindən AZƏRTAC-ın Naxçıvan bürosuna bildirilib ki, qeyd olunan dövrdə fond müalicə və psixoloji dəstək istiqaməti üzrə 150 nəfərə 120 min 365 manat, məişət şəraitinin yaxşılaşdırılması üçün 290 nəfərə 654 min 230 manat, borc öhdəliklərinin qarşılanması istiqamətində 22 nəfərə 169 min 258 manat, təhsil haqqının ödənilməsi məqsədilə 2 nəfərə 8900 manat və digər istiqamətlər üzrə 36 min 900 manat vəsait yönəldib.
Bölmənin digər xəbərləri
