Naxçıvanda probasiya sahəsi üzrə daxil olan işlər 8 faiz artıb
Naxçıvan, 23 yanvar, AZƏRTAC
Naxçıvan Muxtar Respublikasında ötən il işlərin icrasını təmin etmək məqsədilə 341 borclunun ölkədən getmək hüququ müvəqqəti olaraq məhdudlaşdırılıb, zərurət aradan qalxdığından 231 borclunun məhdudiyyəti üzərindən götürülüb.
Naxçıvan Muxtar Respublikası Ədliyyə Nazirliyinin mətbuat xidmətindən AZƏRTAC-ın Naxçıvan bürosuna bildirilib ki, 2024-cü ildə yetkinlik yaşına çatmayanların hüquqlarının müdafiəsi ilə bağlı aliment tələbi üzrə işlər daim nəzarətdə saxlanılıb. Qərarların icrasına maneçilik törədən, icra məmurlarının qanuni tələblərini yerinə yetirməyən 138 nəfər borclu barəsində məhkəmə qərarları ilə inzibati qaydada həbs tətbiq edilib. Ötən il probasiya sahəsi üzrə daxil olan işlər 2023-cü ilin müvafiq dövrünə nisbətən 8 faiz artaraq 231 nəfərə çatıb.
Bölmənin digər xəbərləri
