Naxçıvanda vergi xidmətlərindən istifadə səviyyəsi artır
Bakı, 18 sentyabr, AZƏRTAC
Bu ilin may ayında istifadəyə verilmiş Naxçıvan Şəhər Vergilər İdarəsinin Vergiödəyicilərinə xidmət mərkəzi tərəfindən may-avqust ayları ərzində ümumilikdə 6 min 429 sayda qəbul həyat keçirilib.
AZƏRTAC Dövlət Vergi Xidmətinə istinadla xəbər verir ki, vergi qanunvericiliyi və inzibatçılığı ilə əlaqədar sualların cavablandırılması, vergi uçotu və vergi orqanlarında qeydiyyat, bəyannamələrin, cari vergi ödəmələrinin hesablanması barədə 9 min 711 xidmət göstərilib. Bu da ötən ilin müvafiq dövrü ilə müqayisədə qəbul edilmiş vətəndaşların sayından 2 dəfə, göstərilən xidmətlərin sayından isə 3 dəfə çoxdur.
Hesabat dövründə mərkəz tərəfindən 1070 müraciət üzrə 1844 “ASAN İmza” sertifikatı verilib. Bu, ötən ilin eyni dövrü ilə müqayisədə müraciət edənlərin sayında 2,6 dəfə, təqdim olunan “ASAN İmza” sayında isə 3 dəfə artım deməkdir.
Bölmənin digər xəbərləri
