NAXÇIVANIN “ARAZ” FUTZAL KLUBU UEFA KUBOKU TURNİRİNİN ELİT RAUNDUNA VƏSİQƏ QAZANMIŞDIR
Bakı, 5 oktyabr (AZƏRTAC). Naxçıvanın “Araz” futzal komandası UEFA kubokunun ikinci seçmə mərhələsində qrupu birinci yerdə başa vuraraq, yarışın elit raunduna vəsiqə qazanmışdır.
Azərbaycan təmsilçisi son oyunda Xorvatiyanın “Potpikan” klubu ilə qarşılaşmışdır. Bu oyun 4:4 hesablı ilə başa çatmışdır.
Xatırladaq ki, “Araz” turnirdə keçirdiyi ilk iki oyunu qələbə ilə başa vurmuşdu. Azərbaycan futzalçıları əvvəlcə Kiprin “Omoniya” klubuna 4:1, daha sonra isə Serbiyanın “Kolubara” komandasına 4:0 hesabı ilə qalib gəlmişdilər.
Futzal üzrə UEFA kubokunun elit raundunun püşkatması oktyabrın 14-də, bu mərhələnin oyunları isə noyabrın 14-dən 22-dək keçiriləcəkdir.
Bölmənin digər xəbərləri
