Nazir müavini: İtkin düşənlərlə bağlı işlərin səmərəli həlli üçün beynəlxalq əməkdaşlıq vacibdir
Bakı, 18 sentyabr, AZƏRTAC
Silahlı münaqişələrlə əlaqədar itkin düşmüş şəxslərin vəziyyəti ilə bağlı öhdəliklər beynəlxalq humanitar hüquq və beynəlxalq normalara əsaslanır. Silahlı münaqişələrdə tətbiq edilən beynəlxalq humanitar hüquq itkin düşmüş şəxslərin taleyini və harada olduqlarını aydınlaşdırmaq qaydalarını ehtiva edir.
AZƏRTAC xəbər verir ki, bunu xarici işlər nazirinin müavini Fariz Rzayev "İtkin düşmüş şəxslərlə bağlı mövcud beynəlxalq çərçivə və silahlı münaqişə tərəfləri olan dövlətlər arasında əməkdaşlığın gücləndirilməsi vasitələri" mövzusunda panel iclasda bildirib.
Qeyd edib ki, dünya miqyasında itkin düşənlərin sayında kəskin artım olub. "Son beş ildə bu rəqəm təxminən iki dəfə artaraq 200 min nəfərə çatıb. Bütün bunlar dövlətlərin və müvafiq beynəlxalq təşkilatların daha çox səy göstərməsini tələb edir. Qarşılıqlı yardım məlumat mübadiləsi, qurbanlara yardım, itkin düşmüş şəxslərin kütləvi surətdə müəyyənləşdirilməsi ilə bağlı işlərin səmərəli həlli üçün əməkdaşlığı vacib edir", - deyə nazir müavini qeyd edib.
Bölmənin digər xəbərləri
