Nazir müavini: Yaşıl iqtisadiyyata keçid təbii ehtiyatlardan daha səmərəli istifadəni tələb edir
Bakı, 19 sentyabr, AZƏRTAC
Yaşıl iqtisadiyyata keçid həm də təbii ehtiyatlardan daha səmərəli istifadəni və ətraf mühitə dəyən zərərin azaldılmasını tələb edir.
AZƏRTAC xəbər verir ki, bunu maliyyə nazirinin müavini Azər Bayramov Bakıda keçirilən Mühasiblərin və Auditorların VIII Avrasiya Forumunda çıxışı zamanı deyib.
“Bu gün aydındır ki, inkişafın yeni mərhələsinə keçid mühüm səylər tələb edir. Artan ehtiyacları və təbii çağırışlara hazırlığı nəzərə alsaq, dayanıqlı inkişafa nail olmaq üçün həm iqtisadi, həm də sosial tədbirlər vacibdir. Azərbaycan hökuməti ölkənin sosial-iqtisadi inkişafı üzərində fəal işləyir, ekoloji təmiz texnologiyalar və tullantıların təkrar emalı məsələlərinə diqqət yetirir”, - deyə A.Bayramov qeyd edib.
Bölmənin digər xəbərləri
