Nazir: Türkiyə peyk texnologiyalarının ixracatçısına çevrilmək niyyətindədir
Ankara, 9 iyul, AZƏRTAC
Bu günə qədər dünyanın yalnız 11 ölkəsi yerli istehsal olan peyklərini orbitə çıxarmağa müvəffəq olub.
AZƏRTAC xəbər verir ki, bunu Türkiyənin sənaye və texnologiyalar naziri Mehmet Fatih Kacır “TRT Haber” telekanalının efirində Türkiyənin ilk telekommunikasiya peyki “Türksat 6A”nın buraxılmasını şərh edərkən deyib.
Nazir “Türksat 6A”nı Türkiyə xalqının qürur mənbəyi adlandıraraq xatırladıb ki, yerli peykin hazırlanması planları hələ 40 il əvvəl - Turqut Özalın Baş nazirliyi dövründə elan edilib. “Həmin xəyal bu gün gerçəkləşir”, - deyə türkiyəli nazir vurğulayıb.
Onun sözlərinə görə, Türkiyənin son dövrdəki nailiyyətləri ölkənin texnoloji inkişafına təkan verən hökumətin mövqeyi ilə bilavasitə bağlıdır.
“Türkiyə peyk texnologiyalarının istehsalında aparıcı ölkələr siyahısındadır. Biz artıq peyk ixracatçısına çevrilməyə can atırıq”, - deyə Kacır qeyd edib.
Ankara
Bölmənin digər xəbərləri
