NEFTÇALADA REKORD MİQDARDA TAXIL YIĞILMIŞDIR
Neftçala, 25 iyul (AZƏRTAC). Neftçala rayonunda taxıl biçini uğurla başa çatmışdır. Rayonun taxılçılıqla məşğul olan sahibkarları 42 min 40 hektar sahədən 104 min 81 ton məhsul yığmışlar. Bu nailiyyət rayon tarixində rekord göstərici sayılır.
Mövsüm ərzində rayonun zəmilərinə 80-dən çox kombayn və 100-dək yükdaşıma texnikası çıxarılmış, 2 səyyar təmir emalatxanası maşın və mexanizmlərə texniki yardım göstərmişdir.
Rayonda “Aqrolizinq” Açıq Səhmdar Cəmiyyətinin 10 kombaynı və 20-dən artıq digər texnikası sahibkarların ixtiyarına verilmişdir.
Rayonda 2 min tona yaxın toxum ehtiyatı yaradılmışdır.
Bölmənin digər xəbərləri
