“Neftçi” klubu iştirak ərizəsini UEFA-ya təqdim edib
Bakı, 24 avqust, AZƏRTAC
Bakının “Neftçi” futbol klubu Avropa Liqasının birinci təsnifat mərhələsində Şimali Makedoniyanın “Şkupi” komandası ilə keçirəcəyi oyun üçün iştirak ərizəsini UEFA-ya təqdim edib.
AZƏRTAC kluba istinadən xəbər verir ki, siyahıda 24 futbolçu yer alıb. Onlardan 3-ü qapıçı, 7-si müdafiəçi, 12-si yarımmüdafiəçi, 2-si isə hücumçudur.
Heyətdə qapıçılar - Səlahət Ağayev, Kamran İbrahimov, Aqil Məmmədov, müdafiəçilər - Cabir Əmirli, Mamadu Mbodj, Rener Alves De Souza, Anton Krivotsyuk, Voislav Stankoviç, Ömər Buludov, Tallison Dias, yarımmüdafiəçilər - Namik Ələskərov, Emin Mahmudov, Saman Nərimancahan, Fəhmin Muradbəyli, Yusuf Laval, Fərid Yusifli, Stiven Jozef-Monroz, Sabir Buqrin, Mamadu Kane, Vüsal Əsgərov, Əli Mürsəlov, İsmayıl Zülfüqarlı, hücumçular - Mirabdulla Abbasov və İbrahim Əliyev yer alıblar.
Qeyd edək ki, avqustun 27-də “Bakcell Arena”da keçiriləcək “Neftçi”-“Şkupi” oyunu saat 20:00-da başlayacaq.
Bölmənin digər xəbərləri
