“Neftçi” klubunda seleksiya şöbəsi yaradılıb
Bakı, 10 fevral, AZƏRTAC
“Neftçi” futbol klubu rəhbərliyinin qərarı ilə klubda seleksiya şöbəsi yaradılıb.
AZƏRTAC paytaxt təmsilçisinin saytına istinadla xəbər verir ki, şöbə əsas komanda ilə yanaşı, aşağı yaş qrupları üçün də istedadlı futbolçuların tapılıb üzə çıxarılması, eləcə də komandaların formalaşdırılmasını daha səmərəli həyata keçirmək istiqamətində fəaliyyət göstərəcək.
Seleksiya şöbəsində veteran futbolçular İqor Getman və Vadar Nuriyev yer alıblar.
Qeyd edək ki, İ.Getman və V.Nuriyev keçən ilin noyabrınadək “Neftçi”nin əsas komandasında köməkçi məşqçi vəzifəsini yerinə yetiriblər.
Bölmənin digər xəbərləri
